Þrjú kynlífsráð

February 26, 2018

Ræktaðu sambandið við ÞIG. Sjálfsfróun er mikilvæg fyrir alla - líka fólk í samböndum. Það er hvimleiður misskilningur að sjálfsfróun sé á einhvern hátt svik við kærastann eða eiginkonuna. Þvert á móti er hún fyrirtaks leið til að halda góðri tengingu við líkama sinn, leyfa safaríkum kynórum að baða heilafrumurnar og njóta allra þeirra gæða sem hver og ein fullnæging getur veitt okkur. 

 

Leyfðu kynorkunni að koma fram - líka í daglega lífinu. Kynorkan okkar snýst ekki um að vera síríðandi, heldur um að finna fyrir henni og finna að við erum kynverur og taka eftir því lostafulla í tilverunni. Það getur verið æsandi að velja mangó í ávaxtadeildinni í Bónus. Handleika mjúka og stinna ávextina, þrýsta létt þar til sá rétti liggur skyndilega í lófa þínum. Lyktin sem þú finnur af konu sem gengur framhjá þér í apótekinu er sú sama og var af konunni sem þú áttir villta nótt með á Benidorm fyrir fimmtán árum. Lagið í útvarpinu á meðan þú keyrir í vinnuna er það sama og var spilað þegar þú sást elskhuga þinn fyrst. Njóttu fegurðarinnar og lostans í umhverfinu!

 

Ræktaðu sambandið við þá sem þú sefur hjá. Hvort sem það hefur verið sami kunnuglegi kroppur eiginmannsins síðustu 15 árin, eða að þú stendur í sjóðheitu sambandi við sjö ástkonur er alltaf hægt að rækta, næra og gera betur. Mundu að snerting og atlot þurfa ekki alltaf að enda með fullnægingum í svitabaði. Faðmlag sem varir 20 sekúndur eða lengur nægir til að koma framleiðslu hamingjuhormóna líkamans af stað. Hnoðumst meira!

 

 


 

 

Please reload

Our Recent Posts

Kona fer í legnám

May 25, 2019

Fullnægingar kvenna

May 16, 2019

Kyndauði - þegar sambönd kólna kynferðislega

May 16, 2019

1/1
Please reload

Tags

Please reload

 

Ráðgjöf: sendið tölvupóst til að bóka tíma

©2018 by Ragga Eiríks. Proudly created with Wix.com