Our Recent Posts

Tags

No tags yet.

Algengustu kynórarnir

Guðríður er grandvör kona á fimmtugsaldri sem vinnur í banka. Á daginn klæðist hún óaðfinnanlegum drögtum og fjarsýnisgleraugun hanga jafnan framan á henni í fínlegri gylltri keðju. Tvisvar á ári hittir Guðríður spænskan fyrrum kærasta sinn í evrópskri borg þar sem þau njóta samvista, samræðna og samræðis. Þess á milli er hún sjálfri sér næg, eða kannski ættum við að segja hér um bil, því hún notar reglulega titrara þegar hún á ástarstundir í einrúmi. Þegar Guðríður elskar sjálfa sig notar hún kynóra til að æsa sig upp. Hún hugsar oftast um kynlíf með öryggisverðinum sem kemur alla daga í lok vinnudags og læsir bankanum. Manninn þekkir hún nákvæmlega ekki neitt en hún hugsar endurtekið um þau tvö í hamslausum ástarleik á ýmsum húsgögnum í bankanum. Í sumum útgáfum óranna uppgötva þau að samstarfsfélagi liggur á gæjum - þau láta það síst trufla sig.

Guðríður er afskaplega eðlileg, og fantasían hennar fellur meira að segja í flokk þeirra sem eru algengastar hjá konum. Jú viti konur! Það er búið að rannsaka hvers kyns fantasíur eru algengastar hjá konum og körlum. Í kanadískri rannsókn sem gefin var út 2014 í Journal of Sexual Medicine var reynt að varpa ljósi á algengi ýmiss konar kynóra. Rúmlega 1500 fullorðnir einstaklingar svöruðu spurningalista á netinu - en listinn kallast Wilson’s Sex Fantasy Questionnaire og hefur verið notaður til að rannsaka eðli kynóra frá því að hann kom út árið 1978. Í útgáfunni sem rannsakendur lögðu fyrir voru 55 fullyrðingar sem svarendur voru beðnir um að taka afstöðu til.

Hér eru dæmi um fullyrðingar af listanum:

Ég hef látið mig dreyma um kynlíf með ókunnugri manneskju Ég hef látið mig dreyma um kynlíf á opinberum stað Ég hef látið mig dreyma um endaþarmskynlíf Ég hef látið mig dreyma um kynlíf með dýri

Svarandur áttu að taka afstöðu á skala sem spannaði 1-7, þar sem 1 táknaði ósammála og 7 mjög sammála.

Algengustu fantasíur kvenna voru eftirfarandi: Rómantískt kynlíf Kynlíf á óvenjulegum stað Að taka þátt í munngælum Að veita karlmanni munngælur Að vera fróað af kynlífsfélaga Að fróa kynlífsfélaga Kynlíf með vini eða kunningja Að láta drottna yfir sér í kynlífi Kynlíf á opinberum stað Kynlíf með 3 eða fleiri í einu

Hér er svo það algengasta sem karlana dreymdi um: Að veita eða þiggja munngælur Kynlíf með tveimur konum Kynlíf með öðrum en maka Kynlíf á óvenjulegum stað Að horfa á tvær konur elskast Að hafa sáðlát inn í kynlífsfélaga Kynlíf á rómantískum stað Að veita konu munngælur Að fróa konu Kynlíf með 3 eða fleiri konum

Mikill meirihluti þeirra sem hneigjast til kynlífs á annað borð hefur kynóra. Þeir eru fyrirtaksstaður til að prófa eitthvað sem kann að vera forboðið en er á sama tíma svo ógurlega kitlandi. Allur gangur er á því hvort kynverur hafa áhuga á að láta óra verða að veruleika - sumt fær að búa í hugarfylgsnunum á meðan annað verður kannski að lífsreynslu við réttar aðstæður.

#kynlíf #órar #kynórar #fantasíur #rannsóknir

 

Ráðgjöf: sendið tölvupóst til að bóka tíma

©2018 by Ragga Eiríks. Proudly created with Wix.com