Ósk svaf hjá syni vinkonu sinnar: „Er ég ógeðslega léleg“

March 7, 2018

Sæl Ragga

Ein spurning. Er ég ógeðslega léleg að hafa sofið hjá 20 ára syni vinkonu minnar? (ég er 36 ára )

Hann fær að búa hjá mér til áramóta en hann er hérna í rvk í skóla. Svo gerðist það að við sváfum saman og ég upplifði eitt besta kynlíf æfi minnar.

Með kveðju,

Ósk*

Hæ Ósk

Fyrst tók ég andköf. Verandi móðir drengs sem er rétt skriðinn yfir tvítugt... ég ímyndaði mér að hann hefði fengið að búa hjá einhverri vinkonu minni sem hefði kannski þekkt hann frá fæðingu - stundum skipt á honum og passað hann. Einhverri sem hann lítur upp til og tekur mark á... og hefur verið hluti af lífi hans um árabil.

Svo hugsaði ég lengur um málið. Þú segir ekki neitt um það hvernig sambandi ykkar hefur verið háttað hingað til. Varstu til staðar í lífi hans þegar hann var lítill strákhnokki... eða þekkirðu mömmu hans lítillega frá því að þið voruð saman í menntaskóla. Þarna finnst mér mikill munur á.

 

Ef hið fyrra á við - að þú hafir verið náinn fjölskylduvinur eða barnfóstran hans - finnst mér þú á siðferðislega mjög gráu svæði. Valdastaðan er ójöfn, og auðveldlega má færa rök fyrir því að þú sért að ganga yfir óæskileg mörk. Það er krípí!

Ef hið síðara á við - að þú hafir ekki þekkt hann sem barn eða verið til staðar í lífi hans - er afstaða mín eitthvað mildari. Hann er fullorðinn, þú líka - mömmu hans þekkirðu, en hei, hann á líka að geta tekið sjálfstæðar ákvarðanir.

Ef um eitt skipti er að ræða, eða að þið farið nokkrum sinnum í rúmið, finnst mér að þið eigið að halda kjafti. Mamma hans hefur rétt á að frétta EKKI af þessu. Sumir hlutir eru bara þess eðlis að það er miklu betra að þegja yfir þeim. Ef þið verðið ástfangin og ákveðið að færa lostann yfir á andlegra plan, þurfið þið að stíga varlega til jarðar. En hei! Verri hlutir hafa nú gerst og í raun er aldursmunurinn ekki það sjokkerandi. 

 

Hafðu bara tjaldstæðisreglu Dan Savage í huga sem gildir um sambönd (hvernig sem þau kunna að vera, stutt eða löng) þar sem mikill aldurs- eða valdamunur er til staða: Þegar sambandinu lýkur ber þér að skilja við drenginn í betra eða jafngóðu ásigkomulagi og í upphafi.

 

Bestu kveðjur,

Ragga

 

*Ósk heitir ekki Ósk heldur eitthvað allt annað. Hún óskaði nafnleyndar.

Please reload

Our Recent Posts

Kona fer í legnám

May 25, 2019

Fullnægingar kvenna

May 16, 2019

Kyndauði - þegar sambönd kólna kynferðislega

May 16, 2019

1/1
Please reload

Tags

Please reload

 

Ráðgjöf: sendið tölvupóst til að bóka tíma

©2018 by Ragga Eiríks. Proudly created with Wix.com